ICG
تعرف على مرتبات المهندسين المصريين فى السوق المصرى
تعرف على مرتبات المهندسين المصريين فى السوق المصرى

لهدف من الموضوع ده نحط تصور مبدأى للناس اللى متعرفش السوق فى مصر و ال Range بتاع المرتبات للمهندسين المصريين من اول ما بيكون حديث التخرج لحد ما يبقى خبرة فى سنة او اتنين او 20

فى الحقيقة البداية فى مصر حاليا صعبة بسبب ان عدد المهندسين بقى كبير و اكبر من المشاريع اللى بتتعمل فى البلد و ده مقلل سعر المهندس لان الموضوع عرض و طلب زى محنا عارفين

لمعرفة متوسط مرتبات المهندسين بكل الاقسام فى العالم اضغط هنا


يعنى لو المشاريع كتير و المهندسين اقل كان هيحصل العكس و هكذا

فى الموضوع ده بقى هنتكلم عن متوسط المرتبات للمهندس فى مراحل حياته المختلفة بس هنبدأ المرادى بأماكن معينة اما (مصانع او شركات مقاولات)
للمهندسين (المدنى و المعمارى و الكهربى و الميكانيكى)

نقول مثلا حديث التخرج فى شركات المقاولات حاليا من 1200 ل 1500 جنيه ده بالنسبة لشركات المقاولات المتوسطة بعيد عن اوراسكوم و حسن علام و المقاولين و اسماء كبيرة كتير.

خبرة سنة ل سنتين بيكون المرتب من 200 ل 2700 تقريبا فى المتوسط ده

خبرة من 3 سنين ل 5 بيكون المتوسط من 3200 ل 4 الاف

لحد هنا بيكون معظم المهندسين رواتبهم قريبة لبعض شوية خصوصا فى المستوى المتوسط من الشركات

بعد ال 5 سنين بيبدأ كل مهندس يفرق عن التانى بقدراته بالعلاقات اللى عملها ب اسلوب شغله بالمهارات اللى اكتسبها فى ال 5 سنين اللى فاتو و وقتها اما بيفرق فوق اوى اما بيفضل فى نفس ال Range اللى فات ده طول عمره مع زيادات بسيطة جدا

طبعا فى الشركات الكبيرة تقدر تضرب الارقام اللى فاتت دى كلها فى 1.5 ل 3 حسب الشركة و قدراتك كمهندس و دورك جواها

يا رب نكون قدرنا نكون عندكم فكرة عامة عن سوق العمل و الايام الجاية ان شاء الله هنحاول نتكلم بالتفصيل اكتر عن كل حاجة و مرتبات المهندسين فى السعودية و الامارات و دول الخليج عموما 

التعليقات

    لا توجد تعليقات حتى الان

اترك تعليق