ICG
اكبر 5 اخطاء فى كفهومك عن سوق العمل
اكبر 5 اخطاء فى كفهومك عن سوق العمل

1- كل ما تقديرك فى الجامعة يكون اعلى هتلاقى شغل اعلى

( فى الحقيقة ان الشركات المحترمة اللى ليها اسمها فى السوق بيكون اهتمامها الاكبر منصب على مؤهلاتك الشخصية و المهارات الفنية اللى بتتمتع بيها .. كمان قدرتك انت على اداء الدور المطلوب منك فى الوظيفة اللى عندها .. و طبعا ده لانهم عارفين ان التعليم عندنا مستواه متدنى و ده اللى مقرب المسافات فى التفكير بين التقديرات المختلفة علشان كدة خبرتك و علمك هم التقدير الحقيقى عندهم)

.

2- السوق كله ماشى بالوسطة و ده اللى هيعليك

( اه فى وسطة بس الوسطة مش كل حاجة و معلومة ليك انها مش بتعدى نسبة 15% و مفيش صاحب عمل هيتمنى انه يخسر و يعين ناس بالوسطة ياخدوا مرتب و يضيع من ايده فرصة انه يجيب واحد متميز يزودله ارباحة و ياخد منه مكاسب اكتر ..... ده باستثناء الشغل الحكومى اكيد لكن الخاص اذكى من كدة)

.

3- مش هتعرف تشتغل فى مجال غير المجال اللى درسته

( هل تعلم ان سوق العمل فيه مجالات كتير جدا مش محتاجة دراسة جامعية بعينها و بتكون اهتمامها اكبر بالمهارات اللى عند الشخص ده .. علشان كدة اجرى ورا اللى بتحبه طبعا ده ممكن تعمله ك Part-Time جنب الشغل بتاع دراستك)

.

4- شهادات الدورات اللى اخدتها مهمة جدا فى السوق و هتتطلب منك

(فى الواقع كل الشهادات دى ولا ليها اى لازمة .. المهم عندهم انت و شخصيتك و مهاراتك يعنى مفيش فايدة انك تجيب شهادة انك فى Level 8 فى الانجليش و يعمل معاك انترفيو بالانجليش متعرفش تقول كلمتين ورا بعض اكيد وقتها شهادتك مش هتنفعك علشان كدة اهتم بالتطبيق ثم التطبيق ثم التطبيق)

.

5- مفيش احسن من الوظيفة اللى تضمنك استقرار فيها

(ده الفخ اللى بنقع فيه كلنا و انا شخصيا وقعت فيه و بحاول اخرج منه دلوقتى لان الوظيفة اللى فيها امان بتخليك متطورش من نفسك و ده اكبر ضرر ليك ونت فى بداية حياتك و ممكن تضيع عليك احسن فترة فى عمرك ممكن تتعلم فيها صح و تطور نفسك فيها كل يوم عن اللى قبله)

.

مهما كانت مؤهلاتك عالية و قدراتك لازم انت تعرف ازاى توظفها صح و ازاى تقنع اللى هيعمل معاك الانترفيو انك احسن حد ممكن يسد مكان فى الوظيفة دى
و من غير ده هيبقى صعب جدا انك تلاقى الفرصة اللى مستنيها و تكبر فى السوق بسرعة

 

التعليقات

    لا توجد تعليقات حتى الان

اترك تعليق